Namieśnika hałoŭnaha redaktara hazety «Vriemia» hramadzianina Ŭkrainy Michaiła Padalaka 21 červienia vydalili ź Biełarusi.
Rašeńnie ab departacyi žurnalista jašče 16 červienia pryniali staršynia KDB Leanid Jeryn i hienprakuror Viktar Šejman. Padstavaj abvieščana nienazvanaja publikacyja ŭ hazecie, što zaklikała «da destabilizacyi palityčnaj sytuacyi». Padalaku, žanatamu ź biełaruskaj hramadziankaj, zabaranili ŭjezd na terytoryju krainy na 5 hadoŭ.
Zranku 21-ha supracoŭniki siłavych strukturaŭ pryjšli da Padalaka dadomu, dali 15 chvilinaŭ na zbory i paviali na ciahnik «Miensk—Adesa». Usio było zroblena dla taho, kab vydvareńnie prajšło hučna. Vahon, u jakim jaho vyvozili, byŭ pad achovaj milicyjantaŭ i supracoŭnikaŭ specsłužbaŭ u cyvilnym, ale niezaležnych žurnalistaŭ, jak i zdymačnuju hrupu BT, specsłužbisty ŭ cyvilnym da Padalaka padpuskali.
Praz skandalnyja materyjały aŭtarstva Padalaka była ŭ svoj čas začynienaja «Naša svaboda». Pavodle infarmacyi «NN», žurnalist nie ŭnikaŭ aktyŭnych kantaktaŭ z pradstaŭnikami specsłužbaŭ. Ci aznačaje heta, što jon staŭ vyjaŭlać praźmiernuju samastojnaść? U lubym razie, hetamu vypuskniku medinstytutu pryjdziecca ciapier pracavać pa-za miežami Biełarusi.
