Studentaŭ fiłfaku Jaŭhiena Skrabutana i Alesia Kursieviča 2 lipienia vyklučyli z Haradzienskaha ŭniversytetu. Na ścianie navučalnaha korpusu i asfalcie junaki napisali słovy «Zubr» i «Spynić rusifikacyju!», za što byli zatrymanyja milicyjantami.
Cikava, što zatrymlivaŭ ich były student biełaruskaha fiłfaku taho ž universytetu, jaki pajšoŭ słužyć u milicyju.
Vyklučeńnie adbyłosia na prapanovu narady dekanaŭ i prarektaraŭ ź inicyjatyvy prarektara pa vychavaŭčaj rabocie spn.Badziukovaj paśla lista kiraŭnika haradzienskaj milicyi hienerała Biełašeŭskaha. Vyhnać praź niepaśpiachovaść było niamožna: jany vučacca dobra.
Dekana fiłfaku sp.Cierlukieviča pad pahrozaj zvalnieńnia zmusili padać u rektarat «pradstaŭleńnie» na vyklučeńnie studentaŭ. Tym nia mienš, jak stała viadoma «NN», u hetaj zajavie dekan prasiŭ «nie łamać maładyja losy» i dać davučycca, zhadvaŭ, što z studentami praviali tłumačalnuju pracu i prymusili biaspłatna adpracavać na karyść universytetu. Vykładčyki fiłfaku nazyvajuć vyklučeńnie «niepryjemnaj niespadziavankaj». «NN» budzie sačyć za spravaj.
Arkadź Šanski
