Połacak, spaleny kniaziem Uładzimieram, i najstarejšaja vyjava Safii — sensacyi sioletniaha archiealahičnaha sezonu.
Adna ź ich — miedny kryž z vyjavaj kniazia, što trymaje na dałoni makiet chramu. «Na malunku vyrazna prasočvajucca try apsydy, a mienavita naša Safija mieła ich u takoj kolkaści», — kaža kiraŭnik ekspedycyi, kandydat histaryčnych navuk Dzianis Duk (na zdymku). A chto ž kniaź, jaki trymaje na dałoni Safiju? Najchutčej, śviaty Barys, stryječny dzied Usiasłava Čaradzieja, miarkuje vučony. Hetaja vyjava Safii — najstarejšaja sa znodzienych.
Jašče adna znachodka — bareljef z vyjavaj Božaj Maci, što apłakvaje Chrysta. «Bareljef datavany kancom CHI — pačatkam CHII st., i heta nia mienš kaštoŭnaja znachodka, čymsia kryž», — kaža spadar Dzianis.
Zaraz archieolahi znachodziacca nad terytoryjaj papiališča, datavanaha Ch st. «My majem šerah znachodak, što śviedčać pra prynaležnaść hetaha słoju da časoŭ zachopu Połacku naŭharodzkim kniaziem Uładzimieram», — raspaviadaje połacki archieolah. Bolšaść adšukanych tut rečaŭ — znachodki militarnaha charaktaru: reštki zbroi, nakaniečniki strełaŭ, taksama jość pobytavyja rečy i cacki. Ale hałoŭnaja meta sioletnich raskopak, pieršych, darečy, paśla 1962 h., — adšukać kulturny plast staražytnaha Połacku IX st., a taksama pašyryć terytoryju dośledaŭ.
Raskopki praciahnucca da kanca lipienia. Pakul jany prypynienyja. Pierapynak vymušany — nie chapaje ludzkoha resursu. Dahetul na staražytnym haradziščy pracavali pieravažna školniki ź miascovych škołaŭ. Archieolah čakaje, kali skončycca sesija ŭ studentaŭ. Dla pracy patrebna nia bolej za 30 čałaviek, bo terytoryja raskopak nievialikaja. Davodzicca šukać parazumieńnia ź miascovymi žycharami: kapajuć ža na pryvatnym padvorku. «Z haspadarami pakul nia svarymsia», — śmiajecca Dzianis Duk.
-
U Čačersku skončyli adnaŭleńnie ratušy, pabudavanaj favarytam Kaciaryny II dla natchnionaha Łondanam «idealnaha horada»
-
«Mnie strašenna padabajucca kiepskija mužčyny». Śviatłana Kurs raspaviała, jak pisała svaju pieršuju knihu
-
«Ništo tak nie zaachvočvaje pisać, jak nuda». 50 hadoŭ tamu pamierła Ahata Kryści. Jak pisała heta hienijalnaja žančyna?
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ9
Kamientary