letnija zaciemki ź bierahoŭ Haradničanki
Raptam aleń, aleń našaha darahoha i śviatoha Huberta, uskočyŭ na kamianicu haradzkoj ułady. Pryjemnaja navina na pačatak leta. Doŭha pustavała miesca, zaniataje kaliści «Słavaj KPSS». Lepiej pozna, jak nikoli, — napraŭdu. I na Dniach kultury va Ŭrocłavie łunaŭ naš haradzki — sini i mienavita z aleniem ściah, a nie čyrvona-zialonaja pamiać ab zdochłaj imperyi.
Hadami my patryjatyčna skryhatali zubami: balšaviki nałamali droŭ u Starym horadzie, panastaŭlali chruščovak, Švajcarskuju dalinu ŭzdoŭž Haradničanki pieratvaryli ŭ jakujuści tajhu, a račułku — u kanalizacyjny ściok. Pačuty praklony, ździejśnieny mary! Mastki, mini-vadaspady, vybrukavanyja ściažyny i ahladnyja placoŭki z parenčami. Usio jak maje być.
Śpiašalisia ajcy horadu i našaj 200-hadovaj huberni da «śviata narodaŭ Biełarusi». Taki mini-SSSR. Šmat narodaŭ, i z kožnym festam usio bolš. Imiony ich viadomyja! Karejcy, naščadki Hamera i Perykła, roznyja džyhity i samy novy biełaruski narod — kazaki. Tak na vačach stvarajucca ščaślivyja krainy družby narodaŭ. Usio ajcy vybrukavali, kab zručna było tančyć lezhinku, sirtaki i krakaviak. I cyhanačku, samo saboj.
Adna niepryjemnaść: nikoli nie pryjaždžajuć ajcy respubliki majoj na śviata družby svaich narodaŭ. Praŭda, zaŭsiody prysyłajuć telehramu-małanku: «pazdraŭlajem zpt našy družnyja narody z balšoj pabiedaj itd tčk». U nas usio ciapier tolki z nahody vialikaj pieramohi. Piva sabralisia papić, pahatoŭ harełki, ci ŭ damino zhulać — abaviazkova z nahody pieramohi.
A śviatočnaja kalona družnych narodaŭ? Niezabyŭnaje vidovišča. Raniej pierad maŭzalejem niabožčyka prachodzili ŭ falklornych šatach, tančyli i śpiavali. Ciapier u nas chodziać. Niečakana samaja doŭhaja častka kalony — palaki, byccam najbolšy z narodaŭ respubliki. Biełarusy nieśli ptušku busła. Niespadziavana ŭ biełaruskaj kalonie kročyŭ milicejski ŭzvod (???). At, palicejskaja kraina. Akazałasia, što nie — heta ŭzvod školnikaŭ, zakachanych u pravaparadak.
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Maksimovič, Horadnia
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty9
Kamientary