Za premjeram Siarhiejem Sidorskim ekanamičny rost u krainie dasiahnuŭ 10 pracentaŭ za hod. Sidorski zadavoleny saboj, svajoj pasadaj i vynikami pracy. Pramysłovaść i sfera pasłuh rastuć jašče chutčej, čym VUP. Dachody ludziej pieravysili apošnija savieckija pakazčyki na 30%. Možna doŭha spračacca, čyja ŭ hetym zasłuha, paraŭnoŭvać z pośpiechami Ŭkrainy j Polščy, adsočvać ceny na naftu i kańjunkturu rasiejskaha rynku. Rost usio adno pačynaje asacyjavacca z naporystym karžakavatym premjeram.
Sidorski roźnicca ad svaich papiarednikaŭ. Jon jašče nia vyras u palityčnuju fihuru pieršaha šerahu, ale nadzvyčaj chutka apanavaŭ ryčahi i nitački, jakija pryvodziać u dziejańnie nia duža razvarotlivuju biełaruskuju haspadarku. Jamu navat udajecca pavialičvać kolkaść idealahična blizkich jamu ludziej va ŭradzie. Jon ambitny i vypramieńvaje aptymizm. Vaha Sidorskaha nia bolšaja, čym vaha staršyni Saŭminu ŭ saviecki čas u paraŭnańni ź pieršym sakratarom CK. Jon zajmajecca vykanańniem, ale nia maje ŭłady. Ale…
Ćviordy — prajaviŭ siabie prychilnikam žorstkaha adstojvańnia nacyjanalnych ekanamičnych intaresaŭ na pieramovach z Rasiejaj. Adkryty — pabyvaŭ u Brytanii, Italii, Aŭstryi, šukaje kantaktaŭ u eŭrapiejskich biznes-kołach. Kamuści spatrebiłasia navat pieraškodzić jahonamu polskamu vizytu. Udačlivy — nia tolki ŭ ekanamičnym roście, a navat u nadvorji dla sielskaj haspadarki. Dy nie ŭ madernizacyi ekanomiki, dla čaho patrebna palityčnaja vola.
Nasupierak Łukašenkavamu vychvalańniu, dola Rasiei ŭ zamiežnym handli Biełarusi praciahvaje tolki raści, a ź joju — i zaležnaść, i pahroza nacyjanalnaj biaśpiecy.
Ekspart u Rasieju ŭ hetym paŭhodździ vyras na 35,7%, u krainy za miežami SND — tolki na 27,2%. Impart z Rasiei pavialičyŭsia na 32,7%, z krain za miežami SND — tolki na 29,2%. Hihanckija ličby rostu navat pałochajuć. Šalonyja hrošy sychodziać hetak ža lohka, jak pryjšli. Adnak pra heta ludzi dumajuć, tolki kali zastajucca z parožnimi kišeniami.
Jašče trochi takoha rostu — i Sidorskaha zapomniać vybarcy, i palitolaham u samy čas budzie zadumacca: chto jon, premjer Sidorski?
Siarhiej Sidorski naradziŭsia ŭ 1954 u Homieli. Skončyŭ Instytut inžyneraŭ čyhunki. Pracavaŭ u Homieli. Va ŭradzie z 2001.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary