Ad Alimpijady ŭ biełarusaŭ pakul dvajakaje ŭražańnie.
Z adnaho boku — idealahičny presynh, Plan, zavočnaje spabornictva z hierojami žniva, što strašna nadakučyła. Ź inšaha boku — sfera čystych emocyj. Voś u vychodnyja kraina ščyra chvareła za ciažkaatleta Vitala Dzierbianiova i fechtavalščyka Źmitra Łapkiesa.
Zapomniłasia, jak apošni ŭ tajm-aŭcie dvuboju za treciaje miesca razhublena pytaŭ trenera: «Što mnie rabić, što rabić?» Sytuacyja z Łapkiesam ahaliła jašče adnu prablemu — brak finansavańnia. U interviju žurnalistam Źmicier skazaŭ pra «mora» hrašovych prablem. A ŭ nas zajaŭlajecca pra pilnuju ŭvahu da sportu.
Historyja z baksioram Siarhiejem Bykoŭskim naahuł biazhłuzdaja. Uradženiec Viciebsku pryjechaŭ u Ateny «pieršym zapasnym»: jon musiŭ zamianić ukrainskaha kalehu, jakoha medycynskaja kamisija nie dapuściła da turniru. Ale vyśvietliłasia, što ŭ Siarhieja… niama akredytacyi. Štab biełaruskaj delehacyi prosta nie parupiŭsia jaje zrabić. Napeŭna, tam byli zaniatyja niečym bolš važnym.
Deklaravany ŭładami plan pa medalach u pieršyja dni Hulniaŭ pravaliŭsia. Łapkies, Dzierbianioŭ, strałok Kanstancin Łukašyk nie ŭziali zaplanavanych biełaruskim kiraŭnictvam uznaharodaŭ. Alena Popčanka nia trapiła ŭ finał karonnaj dystancyi na 200 metraŭ volnym stylem. Maks Mirny i Ŭładzimier Vaŭčkoŭ užo nia voźmuć «zaplanavanaje» bronzy — jany vybyli ŭ druhim kruzie parnaha razradu. Durnoje heta — planavać uznaharody.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleh Rajaviec
