«Šrek-2» («Shrek-2»)
ZŠA, 2004, kalarovy, 92 chv.
Žanr: Animacyjnaja kamedyja-kazka
Adznaka: 8 (z 10)
Zialonaha vielikana Šreka i jahonuju žonku Fijonu zaprašajuć u hości baćki Fijony — karol i karaleva trydziaviataha karaleŭstva. Ale vybar pryncesy vyklikaje, tak by mović, niekatoruju asłupianiełaść. Asabliva niezdavoleny ziaciem karol, jaki pryludna svarycca ź im i ŭsialak dapiakaje za kiepskaje vychavańnie.
Ale hałoŭnuju pahrozu dla siamiejnaha ščaścia ŭjaŭlaje Chrosnaja feja, jakaja maryć pasadzić na stalec svajho maniernaha syna. U fei cełaja industryja pa vytvorčaści čaroŭnych ziołak, i jana źbirajecca ŭzmacnić svaje pazycyi.
Šreku i Fijonie pryjdziecca prajści praz vyprabavańnie pryhažościu, padstupstvy i navat aryšt, kab znoŭ adnavić parušany ład. Hałoŭnym kampańjonam Šreka na hety raz stanovicca rudoje kaciania ŭ botach, u svoj čas naniataje cieściem dla zabojstva vielikana. Ale kiler i achviara pasiabravali, što vyklikaje piakučuju reŭnaść asła, «hałoŭnaj havarkoj zanudy».
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Rasinski
