«Vieśjahonskaja vaŭčyca» («Vieśjehonskaja vołčica»)
Rasieja, 2003, kalarovy, 102 chv.
Žanr: ekalahičnaja meladrama
Adznaka: 4,5 (z 10)
Mikałaj Sałaŭcoŭ raniej zdymaŭ navukova-papularnyja filmy pra žyvioł. «Vieśjahonskaja vaŭčyca» — ihravaja karcina Sałaŭcova. Chacia paŭsiul paznačajecca, što heta drama i navat tryler, film — ekalahičnaja meladrama z dydaktyčnym finałam.
Vaŭkavaty palaŭničy Jahor vysočvaje vaŭčycu, jakaja teraryzuje viosku. Ale žyvioła nie zabitaja, i hieroj sprabuje ŭtajmavać lasnuju žycharku, pasadziŭšy jaje na łancuh. Pamiž palaŭničym i vaŭčycaj raście kachańnie j nianaviść sa scenami reŭnaści j zadušeŭnymi razmovami. Viaskoŭcy padazrajuć palaŭničaha ŭ vaŭkałactvie, a šeraja drapiežnica daje prypłod vaŭčaniatak (samyja fotahieničnyja istoty ŭ karcinie).
Dla biełaruskich hledačoŭ film cikavy ŭžo tym, što ŭ im ihrajuć aktory Ŭładzimier Haściuchin i Aleh Famin. Kali vobraz čyrvanatvaraha i harłastaha susieda-złydnia dla Haściuchina nievynachodlivy, to Aleh Famin, viadomy marhinalnym i buntoŭnym Arlekina, vyłučajecca.
Poŭnaściu hety artykuł možna pračytać u papiarovaj i pdf-versii "Našaj Nivy"
Andrej Rasinski
