P.Jakubovič u svajoj «Biełarusi siehodnia» vučyć i vučyć hazetčykaŭ: maŭlaŭ, nia treba skažać fakty, błytać žurnalistyku z palityčnaj dziejnaściu i h.d.
A što ž «specvypusk» «SB» ź biezhustoŭnymi partretami Łukašenki na kožnaj pałasie, pa ŭsich parametrach blizki da ŭlotki, — nie palityčnaja zamova? Dyj fakty ŭ im skažonyja, prynamsi tyja, što tyčacca jaŭrejaŭ. Sender Urycki — hałoŭny rabin nie Biełarusi, a adnoj z supołak, Judejskaha relihijnaha abjadnańnia. Praviednikaŭ narodaŭ śvietu ŭ Biełarusi nia čverć ad «užo ŭniesienych u hanarovyja śpisy», a sarakavaja častka (prykładna 500 čałaviek z bolš jak 20 tysiač, vyjaŭlenych u śviecie). I zakon ab druku parušany: niama paznaki «Biaspłatna» abo «Cana dahavarnaja». Inšaja hazeta dastała b užo i papiaredžańnie za takoje.
Volf R., Miensk
