Ministerstva justycyi dasłała papiaredžańni ŭsim demakrytyčnym partyjam, što ŭvachodziać u «Piaciorku+» z patrabavańniem da 1 lutaha 2005 h. pravieści pierarehistracyju nizavych supołak — pa ofisnych pamiaškańniach ci pryvatnych damach z asobnym uvachodam. U inšym razie Miniust pakidaje za saboj prava reahavać «zhodna ź dziejnym zakanadaŭstvam». List datavany 18 kastryčnika — adrazu pa referendumie.
Pavodle kiraŭnika arhanizacyjna-praŭnaj kamisii PBNF Uładzimiera Łabkoviča, pierarehistracyja zakranie 90% partyjnych supołak, prytym što znajści jurydyčnyja adrasy dla apazycyjnych partyj amal niemahčyma. Dahetul usie nievialikija supołki byli zarehistravanyja pa chatach. Spynieńnie ž rehistracyi pazbavić partyi mahčymaści vyłučać kandydataŭ u adpaviednych akruhach i ŭvohule dziejničać. Takim čynam, dziejnaść partyj budzie spynienaja biez farmalnaje zabarony ich Viarchoŭnym sudom.
Analahičnaja pryčyna — «niapravilny» jurydyčny adras — vykarystoŭvałasia Miniustam pry zakryćci 58 hramadzkich arhanizacyjaŭ u 2003—2004 h.
Lidery partyj vystupili z rezkim pratestam, jaki pakul nia vyklikaŭ reakcyi Miniustu.
Arkadź Šanski
