26 kastryčnika sud Žytkavickaha rajonu zadavoliŭ pazoŭ Svabodnaha prafsajuzu metalistaŭ da administracyi Žytkavickaha matorabudaŭničaha zavodu (ŽMZ): aktyvistku SPM Raisu Pluščakovu niezakonna zvolnili z pradpryjemstva sioleta ŭletku. Pa 100 tys. rub. joj zapłacić administracyja ŽMZ i prafsajuz zavodu. 1 listapada Biełaruski kanhres demprafsajuzaŭ źviarnuŭsia ŭ Viarchoŭny sud z prośbaj adnavić Pluščakovu na pracy. U Miensku za ŭdzieł u akcyi 28 kastryčnika asudžany Siaržuk Mackojć (15 s.), Iryna Patanava (3 s.). Pradstaŭnictva dabračynnaj karparacyi «Kaŭnterpart Internešnł» u Biełarusi začyniena 29 kastryčnika. Staršyniu BSDP (NH) Mikałaja Statkieviča 29 kastryčnika, zamiž kab vypuścić paśla aryštu, śpiarša zavieźli va ŭpravu śledčaha kamitetu MUS pa Miensku — dapytvali jak śviedku akcyj 18—20 kastryčnika. 67-hadovaja pensijanerka z Vaŭkavysku Valancina Sałdatava 29 kastryčnika abviaściła haładoŭku: jana patrabuje pierahledzieć vyniki vybaraŭ u Vaŭkavyskaj akruzie. Unačy z 30 na 31 kastryčnika abrabavany ofis filij BNF i BCHK u Maładečnie — skradziena arhtechnika. 1 listapada žurnalist Pavał Mažejka byŭ asudžany na 7 sutak za niesankcyjanavany pikiet 4 kastryčnika; u zali sudu jon abviaściŭ haładoŭku. 29 kastryčnika byli zatrymany ŭdzielniki taho ž pikietu žurnalisty Natala i Anatol Makušyny. 1 listapada sud nie zadavoliŭ skarhi advakatki Viery Stramkoŭskaj na niezakonnaje padaŭžeńnie terminu ŭtrymańnia pad vartaj Michaiła Maryniča. U Śvisłačy (Haradzienščyna) 1 listapada pačaŭsia sud nad Viktaram Sazonavym, Siarhiejem Malčykam, Vadzimam Sarančukovym, zatrymanych padčas ušanavańnia pamiaci bratoŭ Kalinoŭskich. U Voranavie pensijaner Juzaf Kirviel, abvinavačany ŭ raspaŭsiudzie hazety «Tut i ciapier», atrymaŭ papiaredžańnie ad administracyjnaj kamisii. Aksana Novikava 1 listapada atrymała vyklik u pašpartna-vizavuju słužbu Savieckaha rajonu Miensku: tam zachoŭvajucca dakumenty na imia Iryny Šynharovaj z fatazdymkam Novikavaj. BAŽ 1 listapada źviarnuŭsia z adkrytym listom da ministra infarmacyi Ŭładzimiera Rusakieviča z prośbaj admianić zahad ab prypynieńni vychadu «Miestnoj haziety», hałoŭny redaktar jakoj Andrej Šantarovič haładaje ŭ znak pratestu.
Poŭnaściu hety artykuł možna pračytać u papiarovaj i pdf-versii "Našaj Nivy"
AŠ
