Na BT adbyłasia premjera dakumentalnaha filmu «Supraćstajańnie».
Nie padumajcie tolki, što heta pradukt Azaronkaŭ, — jon pryśviečany pavajennamu antysavieckamu supracivu.
Pieršy ŭ historyi film pra pavajenny biełaruski supraciŭ źniało dziaržaŭnaje TB. Biez «ura-patryjatyzmu», jak robiać prybałty, ale i biez starych savieckich štampaŭ, jak dahetul było ŭ nas. Fakty — surjoznaja reč. Tysiačy ludziej zmahalisia za niezaležnuju biełaruskuju dziaržavu suprać savieckaha panavańnia, tamu dla Maskvy jany byli «nacyjanalistami», «bandytami». A kim jany musiać być dla Respubliki Biełarusi?
Film «Supraćstajańnie» — jak probny šar. Jaho misija nie zusim jasnaja. Ździvić biełaruskaha hledača sensacyjnymi faktami pra antysavieckuju baraćbu až da siaredziny 1950-ch? Abjektyŭna razabracca ŭ składanym paśjansie palityčnych hulniaŭ druhoj suśvietnaj, pa roznyja baki frantoŭ jakoj apynulisia biełarusy? U lubym razie, stolki dakumentaŭ i fotamateryjałaŭ pra antysaviecki ŭzbrojeny supraciŭ nie abnarodavałasia za ŭsiu pavajennuju historyju.
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Jorš
Pra što film «Supraćstajańnie»
Z 1944 u Biełarusi šyrycca antysaviecki supraciŭ. Adnačasova niamieckaja raźviedka zakidaje ŭ BSSR z Uschodniaj Prusii dziasiatki dyversantaŭ-biełarusaŭ, ź jakimi zmahajecca «Śmierš». Ale apošniaha desantnika — Aŭhiena Žychara — likvidavali tolki ŭ studzieni 1955 h. Da taho času savieckija specsłužby «začyścili» i desanty, jakija ŭ pačatku 50-ch zakidalisia CRU i taksama składalisia ź biełarusaŭ. U filmie cytujucca dakumenty z kryminalnych spravaŭ, demanstrujucca fotamateryjały (zdymki atamanaŭ Ramančuka i Demucha, majoraŭ Hiełdy i Rodźki). U druhoj častcy, pryśviečanaj dziejnaści polskaje partyzanki na terytoryi Haradzienščyny, ničoha novaha aŭtary nie adkryli.
