Biełaruskija šoŭmeny viartajucca ŭ biełaruski efir.
Ad 15 listapada ich možna pačuć na «Pieršym muzyčnym» u budni a 21.45 (paŭtor a 01.45).
Prahrama maje nazvu «Novyja kałychanki». Temy pieršych pieradačaŭ: «Što takoje papsa i čamu joj treba zabaranić razmnažacca», «Chto takija hobity i što adbyvajecca siońnia ŭ śviecie», «Cyrkonij kročyć pa planecie».
«Saša i Siroža» — adzin z prajektaŭ tvorčaj supołki «Dzieci Sonca». Pieramožnaje šeście duetu raspačałosia, kali lider hurtu «Lapis Trubiackoj» Siarhiej Michałok i mastak Alaksiej Chackievič pačali malavać komiksy pra dvuch biełaruskich chłopcaŭ — Sašu i Sirožu — «užo nie dzieravienskich, ale jašče nie haradzkich». Potym naradziłasia ideja prahramy «Kałychanka». «Saša i Siroža» zaŭvažna papoŭnili vuličny słenh svaimi słovami. Mienavita paśla ich vystupaŭ hiperpapularnym stała słova «kałdyr».
«Sašu i Sirožu» naležyć aŭtarstva «Opery dla lanotnikaŭ», što tranślavałasia na biełaruskich i ŭkrainskich radyjostancyjach dy vyjšła asobnymi dyskami. Chłopcy taksama malavali multy dla prahramy Dzibrova na rasiejskim ORT, viali ŭłasnuju pieradaču na BT («Dastań zorku»), jakuju začynili z spasyłkaj na toje, što jana nia maje hledača.
Poŭny varyjant artykułu čytajcie ŭ papiarovaj i pdf-versii "Našaj Nivy"
SB
