Raniej studenty što z Maskvy, što ź Lvova, što ź Miensku mieli adziny słenh, navat kali razmaŭlali na svajoj rodnaj movie. Apošnimi hadami sytuacyja mianiajecca. Biełaruskamoŭnaja moładź, choć časam i karystajecca adnymi z rasiejcami słenhavymi zdabytkami, maje i svaje ŭłasnyja. Datyčna našaj kampanii (la 30 čałaviek), niedzie padchoplenyja ci prydumanyja słovy całkam harmanična ŭpisalisia ŭ našy razmovy dy vycieśnili adtul rusizmy. Heta - nievialičkaja častka našaha słoŭnička.
Abałdzianieć - ačmureć ad čaho-niebudź, zatłumicca. Śviatkavali dva dni, pajšli abałdzianiełyja.
Adciahnucca - dobra prabavić čas, adpačyć. Chadziem na Volskaha - adciahniemsia choć.
Bykasty - pradmiet, što byŭ u karystańni. Tabie bykastuju mabiłu pradali.
Varkiła - niezdavoleny čymści čałaviek. Jahony baćka - varkiła, usio mazhi kampastuje.
Visły (dać, atrymać) - adkaz na hrubaść, źniavahu. Hani babło! - A visły tabie nia dać?
Hundos - huhniavy čałaviek; abyjakavy da ŭsiaho, pasiŭny, sknara.
Hyk - mužčynski pałavy orhan.
Hykasty - duža vialiki.
Zamandziačyć - mocna ŭdaryć pa čym-niebudź.
Łamer - nieadukavany, nieachajny čałaviek. Kaho ty adpraviŭ, jon ža łamer!
Maskalnuty - prychilnik rasiejskaj pop-kultury. Na "Blin" (klub "Blindaž") nia pojdziem - tam adny maskalnutyja.
Narmul - dobra, u normie. Kali ŭ nas usio narmul, čaho ŭsie pruć adsiul?
Nachviha - navošta, za što.
Paratunka - chutkaja dapamoha. Majoj babci paratunku vyklikali.
Patelić - zatelefanavać. Ja ŭ Navahradku, zaŭtra patelu.
Plažyć - nienaturalny stan čałavieka, vyklikany depresijaj, badunom, atručeńniem. Plažyła dni try: čaburekaŭ vakzalnych najeŭsia.
Raskiłbas - stupień zadavolenaści.
Śniadziec - ježa, zvyčajna chutkaha pryhatavańnia. Ty ž hałodny, śniadziec zachapi.
Furyčyć - funkcyjanavać, pracavać. Komp u mianie nie furyčyć.
Chłapčyska - kvoły maładzion. Juryk taki chłapčyska, zatoje jak u futboł hraje!
Čad (dać čadu) - šalonaść va ŭčynkach, chutki rytm. "Eneremy" pryjeduć, daduć čadu!
Šłupać - iści da djabła. Šłupaj ty, Mikoleńka!
Ščyrka - žanočy pałavy orhan.
Ščyrec - vynik zroblenaj pracy, čaściej niaŭdałaj, kaniec usiamu.
Siarhiej Budkin
