jakija strasianuli muzyčny šou-biznes
Kali pasprabavać asensavać vyniki 2004 hodu ŭ halinie ajčynnaj papularnaj muzyki, možna adrazu ž adciemić: hod hety byŭ vielmi bahaty na padziei.
1. Pra inicyjatyvu Mininfarmacyi ŭ abmiežavańni hučańnia «nianašaj» muzyki ŭ etery było napisana dastatkova. Dy jasna adno: paśpiešlivaść, ź jakoj było zahadana ŭvasobić 75% biełaruskaha, jašče hukniecca ŭ samaj bližejšaj budučyni. Sa schovaŭ, dziela vykanańnia spuščanaha źvierchu adsotku, dastanuć takija fanahramy, na jakija ŭžo j pavuki nie źviartajuć uvahi. Usie radyjostancyi nabuduć adziny farmat — «Staličny». Biełaruskaja muzyka zamiest Puhačovaj zahučyć z kožnaha prasa, i ŭ vyniku navat zaŭziatyja jaje prychilniki pačnuć zakidvać Mininfarmacyi listami z prośbaj «prakracić biezabrazija». Prybytki ad reklamy skarociacca, u vyniku čaho paru-trojku «łavačak» daviadziecca začynić. Nu, choć niejki plon… Kali b adnačasova sam muzyčny rynak za hod raźviŭsia na tyja ž 75%, možna było b niešta ŭsurjoz abmiarkoŭvać. A tak razmachvać šaškaj Budzionnaha, biezumoŭna, lahčej, čym natalić muzyčny rynak choć niejkim značnym kapitałam.
2. Sioleta ŭłada vusnami viadučaha muzykolaha krainy zmusiła adpaviednyja instancyi adreahavać na ŭdzieł niekatorych ajčynnych vykanaŭcaŭ u kancercie na płoščy Banhałor. Niahledziačy na toje što kancert byŭ dazvoleny aficyjna, telefonnaje prava vykraśliła ceły šerah kampazycyj ź i tak niebahataha biełaruskaha radyjoeteru. Śpisaŭ zabaronienych nichto nia bačyŭ, ale miestačkovyja čynoŭnički — što ŭ adździełach kultury, što na radyjo — adčajna kinulisia vylizvać płej-listy. Nia ŭsie, praŭda. Niechta taki prasiŭ pakazać dakument. Ale jaki dakument mohuć mieć raby? Jak vynik, zabaronienyja rok-n-rolščyki ŭtvaryli Biełaruskuju uniju muzykantaŭ, taksama, zrešty, dakumentalna nie aformlenuju. Byŭ by dakument — mieli b my ciapier niešta nakštałt niezaležnaha prafsajuzu pracaŭnikoŭ rok-n-rołu. Adnak ułady, jak zaŭsiody, svajoj zabaronaj sami padšturchnuli muzykaŭ da abjadnańnia. Niachaj tolki duchoŭnaha, ale duchoŭnaja moc zaŭsiody pieramoža lubuju papierku.
3. Novaja pastanova Savietu Ministraŭ ab kancertna-hastrolnaj dziejnaści pakazała, jakija dalokija słuhi narodu ad praktyki. Prynamsi, u dakumencie jość takija punkty, jakija litaralna raźviazvajuć ruki čynoŭnictvu na miescach. Ale nia hetaje navat hałoŭnaje: u pastanovie adkrytym tekstam havorycca pra mahčymaść utvareńnia abłasnych ekspertnych rad, na jakija ŭskładziena funkcyja papiaredniaha prahladu kancertnych prahram. To bok ułady adkryta nie vyklučajuć stvareńnia struktur z funkcyjaj cenzury. Ź viartańniem u 1983 hod možna ŭsich tolki pavinšavać.
Poŭny varyjant artukułu čytajcie ŭ papiarovaj i pdf-versii haety "Naša Niva"
Dźmitry Padbiareski
