Rychtujučysia da pavodki, supracoŭniki MNS ź Biarozaŭskaha rajonu sutyknulisia ź niezvyčajnaj prablemaju. Sioleta rajonu pahražaje nia stolki vialikaja vada, kolki jaje nasielniki.
Drapiežnyja ryby pirańji (Rooseveltiella nattereri), jakija letaś zavialisia ŭ vadaschoviščach tamtejšaje DRES, pra što pisałasia ŭ hazetach uvosień, paśpiachova pierazimavali.
Historyja, što pačałasia z kurjozu, moža paviarnucca niepradkazalnymi vynikami. Razam ź viesnavoju vadoju ryby-emihrantki z Paŭdniovaje Ameryki, jakija źjaŭlajucca sapraŭdnym biedztvam dla tamtejšaj žyviołahadoŭli, niepaźbiežna trapiać u vadajomy Paleśsia. Na histaryčnaj radzimie hetyja ryby viadomyja lutaj chcivaściu. Viadoma bieźlič vypadkaŭ, kali zhrai pirańjaŭ svaimi vostrymi, by lozy, drobnymi zubami ŭ ličanyja chviliny pakidali ad žyvych istot škilet.
Praź miesiac u pirańjaŭ pačniecca šlubny sezon. Adpaviedna, u vodach basejnu Dniapra mohuć utvarycca stałyja papulacyi niazvanaha drapiežnika.
Poŭny varyjant čytajcie ŭ papiarovaj i pdf-versii hazety "Naša Niva"
Biełaaziersk—Miensk
