Chvatka Miadźviedzieva :-)

Voś vam para ličbaŭ, kab lepiej ujavić, jaki monstar heny "Hazprom". Pieršy vice-premjer Miadźviedzieŭ (jon ža ačolvaje radu dyrektaraŭ kampanii: typova rasiejski symbijoz!) zaznačaje ŭ siońniašnim interviju "Viedomostiam", što zaraz košt hazavaj manapolii składaje 240-250 miljardaŭ dalaraŭ. A moža siahnuć i da tryljonu. Paraŭnajcie: hadavy VUP našaj siniavokaj — kala 37 miljardaŭ. Struščać i nie padaviacca! :)

Što da hazavych stasunkaŭ ź Biełaruśsiu, to Miadźviedzieŭ škaduje: dziesiać hadoŭ zajmalisia dabračynnaściu, a ŭ vyniku navat słova dobraha nie pačuli! Tre' było raniej pierachodzić na rynkavyja dačynieńni. Maŭlaŭ, zanadta ščodry byŭ dziadula Jelcyn. Ci zanadta davierlivy što da sałodkich śpievaŭ pra bratniuju intehracyju.

Darečy, nakont hetych zaklinańniaŭ! "My nia musim užyvać ekanamična nie apraŭdanyja schiemy navat dziela takich fundamentalnych pracesaŭ, jak intehracyja", — kaža maskoŭski ŭradoviec z abojmy imaviernych pierajemnikaŭ Pucina. Praŭda, šmatznačna kidaje: "Kaniešnie, my možam damaŭlacca pra niejkija cikavyja varyjanty supracy, ale ŭvohule treba trymacca narmalovaha ekanamičnaha prahmatyzmu".

Dadamo: navat pry "cikavych varyjantach supracy" Kreml peŭna ž budzie trymacca toha samaha ekanamičnaha prahmatyzmu. Śviežy prykład — umovy, jakimi abstaŭlajecca ichni kredyt. Dajcie, maŭlaŭ, našamu kapitału avałodać vašym naftachimam, pryčym pa łahodnych koštach! Badaj što siniavokaj lepiej nie apynacca ŭ "cikavym stanoviščy" :-)

Kali ž biaz žartaŭ, to Maskva čarhovy raz padkreśliła pryvidnaść spadzievaŭ tutejšaha načalstva na viartańnie preferencyj. Navat pad ekzatyčnym soŭsam "asymetryčnaha adkazu" Amerycy. Pakazalna, što rasiejskija čyny ćvierdziać pra mahčymaje raźmiaščeńnie rakiet tolki ŭ Kalininhradzkaj vobłaści. Pra Biełaruś ni słova. To bok damoŭlenaściaŭ z "apošnim chaŭruśnikam" na siońniašni dzień niama.

Karaciej, 3 lipienia možna było i nie ŭžyvać stolki žaleznaj rytoryki. Va ŭsiakim razie ŭ raźliku na Maskvu. Chiba što dziela razahravańnia ŭłasnaha elektaratu :-)

Ź inšaha boku, ad rynkavych cenaŭ na enerhanośbity byłaja savieckaja Prybałtyka nia vymierła. Vuń siaredni zarobak u Litvie ŭžo pad 700 dalaraŭ, a praz dva hady pierasiahnie cieraz tysiaču. Pryčym kiłbasy ŭ Vilni tańniejšyja i smačniejšyja :-)

Ale ž ajčynnym viarcham toj šlach nie pad nos. Raniej z vysokich trybun deklaravałasia, što nas pieklać za sajuz z Rasiejaj. Ciapier prahmatyčnyja chłopcy kštałtu Miadźviedzieva toj arhument-mylicu vybili. Zastałosia kazać, što nas nia lubiać za hordy noraŭ dy burny roskvit :-)

• 0
• 0
• 0
• 0
• 0
• 0
• 0
• 0