Гасцёўня на Чыстай, 26. 17:00.
Першая і, выглядае, апошняя прэзентацыя гэтым летам нумароў Arche і кніжных навінак адбудзецца ў найбліжэйшую нядзелю, 16 жніўня, а 17.00 у Маладзечне з удзелам абодвух рэдактараў часопіса – Алеся Пашкевіча і Валера Булгакава.
На суд публікі будуць прадстаўленыя апошнія нумары часопіса, з асаблівым акцэнтам на гістарычную і заходнебеларускую тэматыку –
№ 5 за 2015 год («Польшча ў Другой сусветнай вайне»).
№ 3/2015 (Гістарыяграфія 1920-х: паўстанні і рэвалюцыі).
№12/2014 («Бітва пад Оршай: месца памяці і канфлікт інтэрпрэтацый».
№11/2014 («Гарадзенскі міленіум»).
Будуць прадстаўленыя таксама два дзясяткі кніг, якія выйшлі сёлета ў выдавецтве «ARCHE», у тым ліку
Стэфан Крыстафер Роўэл. Уздым Літвы: паганская імперыя ў Цэнтральнай і Усходняй Еўропе, 1295—1345.
Дарота Міхалюк. Беларуская Народная Рэспубліка 1918 — 1920 гг.: ля вытокаў беларускай дзяржаўнасці.
Наталля Сліж. Шлюбныя і пазашлюбныя стасункі шляхты Вялікага Княства Літоўскага ў XVI—XVIІ стст.
Сустрэча адбудзецца ў гасцёўні на Чыстай, 26. Пачатак а 17:00.
Даведкі па тэлефоне +375 29 550 79 69.
Комментарии