Шчымлівы эпізод з жыцця беларусаў замежжа расказаў доктар гістарычных навук Мікалай Нікалаеў.
«20 лютага ў Пецярбургу хавалі Бажэну, — напісаў ён у сябе ў фэйсбуку. — Пайшла ў нябыт мілая жанчына, з якой быў знаёмы вельмі мала — прыходзіла на некаторыя беларускія сустрэчы ў народным касцюме, любіла і ўмела спяваць народныя песні. Ні прозвішча, ні імя па бацьку не ведаў.
У сярэдзіне дня пазваніла Марыся, расказвае, як прайшло адпяванне, на якім упершыню пабачылі дарослага сына Бажэны.
— Ведаеш, ён цэлую ноч каля маці. Цэлую ноч чытаў пры труне кнігу — паэму «Новая зямля».
Нябожчыкам не трэба зайздросціць. Я праз слёзы радуюся за Бажэну», — піша Мікалай Нікалаеў.
Комментарии