Пасля абнародавання ў эфірыток-шоу АНТ «Адкрыты фармат» 6 мая інфармацыі пра Вольгу Сукора, якая ўжо каля сямі месяцаў знаходзіцца ў стане комы пасля пластычнай аперацыі, жанчыну дазволілі пакінуць у бальніцы, хоць раней з сям`ёй медыкі абмяркоўвалі пытанне аб выпісцы. Аб гэтым паведаміла стрыечная сястра жанчыны Вольга Сізова.
«Калі мы ехалі з запісу праграмы, нам паведамілі, што яна застаецца ў бальніцы. Безумоўна, маці Вольгі там прасцей даглядаць яе: медперсанал можа ў выпадку неабходнасці дапамагчы», — сказала Сізова.
Зазначым, што начальнік галоўнага ўпраўлення арганізацыі медыцынскай дапамогі Міністэрства аховы здароўя Іван Рыжко растлумачыў падчас
Сізова сказала, што Вольга адважылася на пластычную аперацыю, каб выправіць прыкус. Урачы казалі, што аперацыя паказана, а з часам праблема будзе ўзмацняцца. У жанчыны таксама было жаданне выглядаць лепш. «Яна зрабіла аперацыю не раптам, а гадамі выношвала сваё рашэнне, выбірала час. Старанна рыхтавалася: праходзіла розныя абследаванні, здавала аналізы. Алергіі ў яе не было», — сказала стрыечная сястра. Паводле яе слоў, пра тое, як праходзіла аперацыя, сваякі фактычна нічога не ведаюць дагэтуль. «Ёсць выпіска з бальніцы, але ў ёй аб прычыне стану Вольгі канкрэтна не сказана. Як зараз ні цяжка, мы верым, што яна апрытомнее. Мы не хочам верыць у горшае. Мы спадзяёмся, што ёй могуць прызначыць нейкае лячэнне, але пакуль яе толькі даглядаюць», — сказала Сізова.
Галоўны ўрач Мінскай абласной клінічнай бальніцы, дзе зараз знаходзіцца Сукора, Юрый Будзько паведаміў, што пераводзіць яе ў іншую клініку ці выпісваць дадому не плануюць. «Тэрміны знаходжання пацыентаў у коме ў медыцынскіх установах не рэгламентуюцца ніякімі нарматыўнымі актамі.Гэта пытанне вырашаецца кансіліумам урачоў з улікам волевыяўлення сваякоў», — сказаў ён. Разам з тым галоўны ўрач зазначыў, што Вольга Сукора дыхае самастойна, часткова ў яе захаваны глытальны рэфлекс.
Гаворачы аб прагнозе для пацыенткі, доктар зазначыў: «Усё бывае. Медыцына — гэта не матэматыка. У нас два плюс два не заўсёды чатыры. Надзея для людзей гэта таксама важна.На сёння ў яе з`яўляюцца рухальныя рэфлексы, яна рэагуе на гук. Ёсць прагрэс». Гаворачы аб прычыне ўскладненняў пасля аперацыйнага ўмяшання, Будзько паведаміў, што, згодна з міжнароднай статыстыкай, адзін выпадак комы прыпадае на 5 тысяч наркозаў незалежна ад таго, якая аперацыя праводзіцца. Пры гэтым ён падкрэсліў, што ў абласной бальніцы ў год праходзяць каля 15 тысяч аперацый, «выпадкаў комы не было».