Выдача дазволаў на ўстаноўку антэн на дахах і фасадах шматкватэрных жылых дамоў будзе бясплатнай. Пра гэта гаворыцца ў каментары да пастановы Савета міністраў ад 8 мая 2013 года № 356.
Як паведамляе прэс-служба ўрада, дакументам вызначаны парадак атрымання дазволу на ўстаноўку на дахах і фасадах шматкватэрных жылых дамоў індывідуальных антэн і іншых інжынерных канструкцый у дачыненні да юрыдычных асоб, індывідуальных прадпрымальнікаў і грамадзян.
Для гэтага ініцыятару ўстаноўкі неабходна падаць у раённы, гарадскі выканаўчы камітэт ці ў мясцовую адміністрацыю раёна ў горадзе заяву, тэхнічны пашпарт і дакумент, які пацвярджае права ўласнасці на памяшканне, а таксама план-схему фрагмента даху, фасада жылога дома з указаннем месцазнаходжання ўстаноўленай канструкцыі.
Аналагічная працэдура атрымання дазволу на ўстаноўку на дахах і фасадах шматкватэрных жылых дамоў індывідуальных антэн і іншых канструкцый вызначана і для грамадзян.
