Vydača dazvołaŭ na ŭstanoŭku anten na dachach i fasadach šmatkvaternych žyłych damoŭ budzie biaspłatnaj. Pra heta havorycca ŭ kamientary da pastanovy Savieta ministraŭ ad 8 maja 2013 hoda № 356.
Jak paviedamlaje pres-słužba ŭrada, dakumientam vyznačany paradak atrymańnia dazvołu na ŭstanoŭku na dachach i fasadach šmatkvaternych žyłych damoŭ indyvidualnych anten i inšych inžyniernych kanstrukcyj u dačynieńni da jurydyčnych asob, indyvidualnych pradprymalnikaŭ i hramadzian.
Dla hetaha inicyjataru ŭstanoŭki nieabchodna padać u rajonny, haradski vykanaŭčy kamitet ci ŭ miascovuju administracyju rajona ŭ horadzie zajavu, techničny pašpart i dakumient, jaki paćviardžaje prava ŭłasnaści na pamiaškańnie, a taksama płan-schiemu frahmienta dachu, fasada žyłoha doma z ukazańniem miescaznachodžańnia ŭstanoŭlenaj kanstrukcyi.
Anałahičnaja pracedura atrymańnia dazvołu na ŭstanoŭku na dachach i fasadach šmatkvaternych žyłych damoŭ indyvidualnych anten i inšych kanstrukcyj vyznačana i dla hramadzian.