Stancyja spyniła viaščańnie na ahulnanacyjanalnaj častacie pavodle rašeńnia prezydenta Čavesa apoŭnačy 28 traŭnia. Na vulicy Karakasa tady vyjšli jak prychilniki prezydenta, tak i tyja, chto pratestuje suprać jahonaha rašeńnia. Palicyja ŭžyła vadamioty i ślezaciečny haz dla razhonu demanstrantaŭ.
Admaŭlajučysia padaŭžać licenziju RCTV, ułady spasłalisia na vidavočnuju krytyku ŭradu ŭ etery.
Pryvatny telekanał Radio Caracas Television — najstarejšy i adzin z samych papularnych u Venesuele, u toj ža čas mienavita ŭ prahramach RCTV hučyć žorstkaja krytyka prezydenta i ŭradu krainy.
U kancy traŭnia byłuju častatu RCTV zaniaŭ praŭradavy telekanał, jaki trymajecca kaštoŭnaściaŭ sacyjalistyčnaj revalucyi prezydenta Čavesa.
Mnohija prychilniki ŭradu padtrymali hetyja zachady, zajaŭlajučy, što RCTV pradstaŭlajučy intaresy vyklučna elity. Adnak hetaje rašeńnie vyklikała burnuju reakcyju ŭ hramadztvie, pakolki mnohija paličyli jaho ŭščamleńniem svabody słova.
Urad admaŭlaje, što tak jość na samoj spravie, zaznačajučy, što inšym pryvatnym srodkam masavaj infarmacyi pracavać nichto nie zabaraniaje.
U dokaz taho, što svaboda słova ŭ krainie nie ŭščamlajecca, ułady ŭkazvajuć na toje, što kanał ciapier znoŭ u etery, chaj i nie ahulnadastupnaj častacie.
RCTV viarnuŭsia ŭ eter ź vialikaj pompaj. Hety hołas inšadumstva budzie pa‑raniejšamu krytykavać urad, ale ciapier jon budzie dastupny mienšaści venesuelcaŭ.
