Žytkavicki rajonny adździeł Śledčaha kamiteta raspačaŭ spravu pa č. 2 art. 316 Kryminalnaha kodeksa (parušeńnie pravił biaśpieki ruchu i ekspłuatacyi małamiernych sudoŭ asobaj, jakaja kiravała sudnam, što paciahnuła pa nieaściarožnaści śmierć čałavieka) u dačynieńni da
14 lipienia kala 14 hadzin padazravany, znachodziačysia ŭ stanie ałkaholnaha apjanieńnia, kiravaŭ matornaj łodkaj «Prahres» na voziery Biełaje ŭ Žytkavickim rajonie.
U łodcy znachodzilisia dzieviać pasažyraŭ. Jašče adzin čałaviek pieravoziŭsia ŭ nadzimanym bałonie dla katańnia.
Pry ažyćciaŭleńni pavarotu łodačnik nie spraviŭsia z kiravańniem. Sudna pierakuliłasia i zatanuła.
Zahinuli troje chłopčykaŭ čatyroch, piaci i siami hadoŭ, maci starejšaha ź ich, 1981 hoda naradžeńnia (usie žychary Salihorska), i žycharka Žytkavičaŭ, 1983 hoda naradžeńnia.
Cieły zahinułych dastali z vady.
U vyniku praviedzienych pieršapačatkovych śledčych dziejańniaŭ vyjaŭleny šerah parušeńniaŭ z boku łodačnika, u tym liku: matornaja łodka nie była zarehistravana, u jaje kanstrukcyju byli ŭniesieny źmieny, u sudnie pieravoziłasia zvyšdapuščalnaja kolkaść ludziej, usie pasažyry byli biez vyratavalnych kamizelek.
