Pa słovach ministra zamiežnych spraŭ, Biełaruś zacikaŭlenaja va ŭdziele ŭ samicie i ŭ tym, kab jon byŭ źviazany sa stanoŭčymi efiektami dla našaj krainy.
Pytańnie ŭdziełu Biełarusi samicie Uschodniaha partniorstva vyrašajecca ŭ hetyja dni i zaležyć ad rašeńnia Alaksandra Łukašenki. Pra heta ŭ intervju polskamu vydańniu «Dziennik Gazeta Prawna» zajaviŭ ministr zamiežnych spraŭ našaj krainy Uładzimir Makiej.
«My zacikaŭlenyja va ŭdziele ŭ samicie i ŭ tym, kab samit byŭ źviazany sa stanoŭčymi efiektami dla Biełarusi. Rašeńnie ŭ spravie ŭzroŭniu našaha ŭdziełu akurat ciapier abmiarkoŭvajecca i ciaham bližejšych dzion budzie abjaŭlena. Jano zaležyć ad rašeńnia prezidenta Biełarusi».
Camit Uschodniaha partniorstva projdzie ŭ Vilni 28—29 listapada. Biełaruś atrymała zaprašeńnie biez upisanaha imia.
Vybrać svajho pradstaŭnika kiraŭnictva krainy pavinna samastojna. Razam z tym jeŭrapiejskija dypłamaty nieadnojčy papiaredžvali, što kali Alaksandr Łukašenka ŭpiša siabie ŭ zaprašeńnie, to vizu jamu nie daduć. Tady miesca Biełarusi na samicie ŭ Vilni zastaniecca pustym.