pravda.com.ua
Śpiecpadraździaleńnie «Bierkut» źniesła namiot, ź jakoha mieŭsia pačacca namiotavy haradok u Kijevie.
Nočču čakajecca padvoz vialikaj kolkaści namiotaŭ.
Miž tym, da Jeŭrapiejskaj płoščy zmoh dabracca i vystupić lidar partyi «UDAR» Vitalij Kličko. Jon zaklikaŭ ukraincaŭ štodnia źbiracca na Majdanie.
«My nie pavinny razychodzicca, my sabralisia tut na Jeŭrapiejskaj płoščy, kab prademanstravać uładam volu ŭkraincaŭ. Ukraina pavinna być u Jeŭropie», — adznačyŭ Vitalij Kličko.
Kamientujučy ŭsie pieraškody, jakija jamu rabiła ŭłada, kab jon nie trapiŭ na Jeŭrapiejskuju płošču ŭ Kijevie [u Kijevie samalotu z Kličkom zabaranili siadać i jon pryziamliŭsia ŭ Kryvym Rozie — NN], Kličko skazaŭ:
«Kali niama adnaho Klička — dapamoža inšy. U pieršaj pałovie dnia tut byŭ moj brat [Uładzimir], jaki prajšoŭ z kałonaj da Jeŭrapiejskaj płoščy i vystupiŭ na mitynhu. Zatym dajechaŭ ja».
