Valutnaja vyručka Biełarusi ŭ studzieni—krasaviku 2014 hoda skaraciłasia na 1 młrd. 9,8 młn. dołaraŭ ZŠA ŭ paraŭnańni z anałahičnym letašnim pieryjadam.
Zhodna sa źviestkami Nacyjanalnaha banka, pa vynikach čatyroch miesiacaŭ hoda hety pakazčyk skłaŭ 13 młrd. 776,5 młn. dołaraŭ, u tym liku za krasavik — 3 młrd. 532,7 młn. U paraŭnańni z krasavikom 2013 hoda valutnaja vyručka Biełarusi źmienšyłasia amal na 300 młn. dołaraŭ, abo na 7,7%.
Asnoŭnaj pryčynaj skaračeńnia valutnaj vyručki stała źnižeńnie pastupleńniaŭ ad ekspartu tavaraŭ. Tak, u studzieni—krasaviku hetaha hoda valutnyja pastupleńni Biełarusi ad ekspartu tavaraŭ skłali 11,2 młrd. dołaraŭ i źnizilisia na 1 młrd. 59,1 młn. dołaraŭ u paraŭnańni z anałahičnym letašnim pieryjadam.
Jak zaznačajuć ekanamisty, źnižeńnie valutnych pastupleńniaŭ viadzie da skaračeńnia prapanovy zamiežnaj valuty na ŭnutranym rynku, što, u svaju čarhu, akazvaje dadatkovy cisk na kurs biełaruskaha rubla.
