Amierykanski akcior Devid Duchoŭny (David William Duchovny), jaki staŭ papularnym dziakujučy roli ahienta Foksa Małdara ŭ sieryjale «Sakretnyja materyjały», raźvioŭsia sa svajoj žonkaj — aktorkaj Elizabet Tea Leone paśla 17 hadoŭ šlubu, paviedamlaje TMZ.
Jak akazałasia, para padała dakumienty na razvod jašče ŭ červieni. Publičnaj zajavy ab pryčynie razvodu nie było.
U pary dvoje dziaciej — 12-hadovy syn i 15-hadovaja dačka.
Pavodle damoŭlenaści baćki buduć mieć sumiesnaje prava apieki, ale Tiea budzie mieć pieravažnaje prava.
Abodva jany žyvuć ŭ Vierchnim Viest-Sajdzie Ńju-Jorka, tamu žyć napieramienku ŭ baćki da maci dzieciam budzie nie składana, adznačaje TMZ.
Devid budzie vypłačvać štomiesiac 8,3 tysiačy dalaraŭ na zabieśpiačeńnie niepaŭnaletnich dziaciej, a taksama dadatkova apłačvać ich navučańnie ŭ pryvatnaj škole i letni adpačynak.
Para zaklučyła šlub u 1997 hodzie, na karotki čas rastavałasia ŭ 2008-m, a z 2011 hoda muž i žonka žyvuć paasobku.
Devid Uiljam Duchoŭny naradziŭsia ŭ 1960 hodzie ŭ Ńju-Jorku. Jaho maci — emihrantka z Šatłandyi. Baćka — uradženiec Bruklina, ź siamji jaŭrejskich imihrantaŭ.
Baćki raźvialisia, kali Devidu było 11 hadoŭ.
Duchoŭnyja nie raz havaryŭ pra mahčymych svajakoŭ «u Rasii i Polščy». «Z boku baćki ŭsie maje rodnyja z vašaj krainy i jašče z Polščy, — kazaŭ jon rasijskamu časopisu «7 Dniej».
