Natalla Krasoŭskaja praciahvaje vajavać suprać Ukrainy na baku bajavikoŭ DNR.
Čarhovy zdymak snajpierki z Barysava apublikavany ŭ sacyjalnaj sietcy «Vkontaktie». Natalla Krasoŭskaja ź vintoŭkaj i paviazkaj u vyhladzie aficyjnaha łukašenkaŭskaha ściaha z zadavalnieńniem paziruje dla fota.
U pačatku červienia snajpierša z Barysava raspaviała rasijskim žurnalistam, jak jana pačała vajavać u Słaviansku Danieckaj vobłaści i pieradała pryvitańnie asabista Łukašenku.
«Ja pryjechała siudy 5 maja. A 7 maja ja była ŭžo ŭ Słaviansku. Ja naradziłasia ŭ Biełarusi. Vyrasła ŭ Biełarusi. I da pryjezdu ŭ Słaviansk ja žyła ŭ Biełarusi, u Minskaj vobłaści, horadzie Barysaŭ, na vulicy Trusava. Ja nie bajusia pakazvać svoj tvar i pašpart», — pryznavałasia jana.
Raniej źjaŭlałasia infarmacyja ab tym, što Natallu kantuziła pad Słavianskam. Potym niekatoryja ŚMI pamyłkova paviedamili, što jaje zatrymali ŭkrainskija siłaviki.
