Naručnik ź niekatorymi namahańniami, ale zrazajecca kuchonnymi nažnicami, napisaŭ Navalny, źmiaściŭšy fota ŭ błohu
Rasijski apazicyjanier Alaksiej Navalny abviaściŭ pra admovu vykonvać režym chatniaha aryštu. Pra heta jon paviedamiŭ u svaim błohu ŭ paniadziełak, 5 studzienia.
«Ja sumlenna pačakaŭ naležnyja pavodle zakona piać sutak, navat bolš. Prysudu da hetaha času niama, — napisaŭ Navalny. — Nie mahu skazać, što maja situacyja zusim unikalnaja: ja prosta siadžu pad aryštam naohuł bieź jakoj-niebudź papierki, navat biez rezalutyŭnaj častki prysudu, a bo moj brat Aleh naohuł siadzić u kamiery. A bo ŭ zvyčajnym vypadku, čałavieka biez prysudu na rukach nie voźmie ni adno SIZA, heta vyklučana [Alaksiej Navalny atrymaŭ 3,5 hoda ŭmoŭna pavodle prysudu «Iŭ Raše», jaho brat Aleh — 3,5 hoda realnaha aryštu — NN].
Jak vy pamiatajecie, čytańnie prysudu niezakonna pieranieśli z 15 studzienia na 30 śniežnia pad padstavie «prysud užo hatovy». Heta značyć 139 tamoŭ kryminalnaj spravy i pakazańni dziasiatkaŭ śviedkaŭ byli ŭvažliva vyvučanyja sudździoj Karobčanka za 6 dzion.
Tym nie mienš, 30-ha prysud apaviaščali roŭna 7 chvilin, skazaŭšy «pryznać vinavatymi i dać stolki hadoŭ i taki štraf» nie vydaŭšy na ruki navat toje, što abviaścili, skazaŭšy «jašče nie hatova». Što ŭžo tut kazać pra poŭny tekst…»
«Ja admaŭlajusia vykonvać patrabavańni majho niezakonnaha ŭtrymańnia pad chatnim aryštam.
Nikudy jechać nie płanuju, maje patreby pieramiaščeńnia zvodziacca da pajezdak z doma ŭ ofis-nazad i baŭleńnie volnaha času ź siamjoj.
Uśviedamlaju (Alaksiej Anatoljevič, vy ž usio razumiejecie), što dla kremlešušary skanstrolić dla mianie novaje abvinavačvańnie (arhanizacyja śniežnych zatoraŭ u Maskvie, naprykład) i vypisać novy chatni aryšt pa novaj spravie — raz plunuć, choć praz hadzinu śledčy pryskača, ale budziem vyrašać prablemy pa miery pastupleńnia».
