Nacyjanalny bank Biełarusi pryniaŭ rašeńnie ab źnižeńni normy abaviazkovaha prodažu valutnaj vyručki, što pastupaje ŭ krainu, da 40%.
Ab hetym paviedamili va ŭpraŭleńni infarmacyi i hramadskich suviaziej Nacbanka, kamientujučy pastanovu rehulatara №84 ad 19 lutaha, jakaja apublikavana siońnia na Nacyjanalnym pravavym internet-partale i ŭstupaje ŭ siłu z 25 lutaha.
Z 19 śniežnia 2014 hoda norma abaviazkovaha prodažu valutnaj vyručki była ŭstanoŭlena na ŭzroŭni 50%. Tady Nacbank i ŭrad Biełarusi pryniali miery, nakiravanyja na niedapuščeńnie raźvićcia niehatyŭnych tendencyj na valutnym i finansavym rynkach krainy. «Źnižeńnie na 10 pracentnych punktaŭ narmatyvu abaviazkovaha prodažu valutnaj vyručki budzie stymulavać pradpryjemstvy respubliki da skaračeńnia źniešniaj debitorskaj zapazyčanaści, a taksama sadziejničać palapšeńniu ich finansavaha stanu», - ličać pradstaŭniki Nacbanka.
Va ŭpraŭleńni adznačyli, što pryniatyja ŭ apošnija miesiacy kroki sadziejničali narmalizacyi situacyi na valutnym rynku krainy. U vyniku pierachodu da bolš hibkaj kursavoj palityki istotna pavysiŭsia ŭpłyŭ suadnosin popytu i prapanavańnia valuty na farmiravańnie abmiennaha kursa biełaruskaha rubla. Z 20 lutaha adnaviŭ rabotu pazabiržavy valutny rynak. «Hetyja faktary akazali pazityŭny ŭpłyŭ na ŭzrovień devalvacyjnych čakańniaŭ subjektaŭ haspadarańnia i, adpaviedna, prahnoznyja acenki pa roście prapanavańnia zamiežnaj valuty na ŭnutranym valutnym rynku krainy», — kanstatavali śpiecyjalisty Nacbanka.
