U vyniku DTZ Endru Mak byŭ zabłakavany ŭ svajoj mašynie. Jak raspavioŭ aŭtar videa ŭ kamientarach na Youtube, jon ujechaŭ u słup 11 studzienia. Rataŭnikam pryjšłosia razrazać aŭto. Padčas hetaha mužčyna zachoŭvaŭ spakoj i zdymaŭ siabie na kamieru, pieradaje The Daily Dot.
Niahledziačy na toje, što Endru paśmichaŭsia i kryŭlaŭsia na kamieru, jon spačatku paviedamiŭ, što ŭ jaho mocna balić naha, a zatym — što ŭžo nie adčuvaje noh. Za advahu rataŭniki ŭ žart paabiacali achviary «seksualnych miadsiostraŭ u lakarni», ale toj paviedamiŭ, što choča prosta lehčy spać.
Endru złamaŭ pravuju ruku i levuju biedranuju kostku, paškodziŭ abiedźvie kalennyja repki i abiedźvie ščykałatki.
Jon pravioŭ na apieracyjnym stale ahułam 14 hadzin, jašče miesiac pralažaŭ u lakarni. Zaraz hieroj videa ŭžo doma, idzie na papraŭku. Adzinaje, na što narakaŭ Endru — za miesiac jon pabačyŭ tolki adnu seksualnuju miedsiastru.
