Rasija ź vialikaj vierahodnaściu admovicca ad tranzitu hazu praz Ukrainu paśla 2019 hoda, dziejny tranzitny kantrakt praciahvacca nie budzie, paćvierdziŭ kiraŭnik Minenierha RF Alaksandr Novak.
AP Photo
«Tolki što prahučała vystupleńnie spadara Milera, jaki skazaŭ, što tranzitny kantrakt z Ukrainaj nie budzie praciahnuty paśla 2019 hoda. Tamu ciapier usie namahańni nakiravanyja na toje, kab realizavać budaŭnictva hazatranspartnaj infrastruktury ŭ Turcyju, na miažu Turcyi i Hrecyi, i dastaŭku spažyŭcam paŭdniova-ŭschodniaj i Centralnaj Jeŭropy praz hety maršrut», — skazaŭ Novak žurnalistam, adkazvajučy na pytańnie, ci źjaŭlajecca kančatkovym rašeńnie ab spynieńni tranzitu praz Ukrainu paśla zakančeńnia terminu dziejnaha kantraktu.
«Kantrakt (tranzitny z Ukrainaj) dziejničaje da kanca 2019 hoda. Budaŭnictva novaj hazatranspartnaj infrastruktury nakiravanaje ŭ tym liku na dyviersifikacyju tranzitnych ryzykaŭ. Ja dumaju, što hetaje pytańnie (admovy ad tranzitu praz Ukrainu) u vysokaj stupieni rašeńnia», — dadaŭ kiraŭnik Minenierha.
