Fota pres-słužba Jeŭrarady.
Pra heta zajaviŭ staršynia Jeŭrapiejskaj rady Donald Tusk padčas intervju vuzkamu kołu žurnalistaŭ z čatyroch krain Uschodniaha partniorstva (Biełarusi, Hruzii, Azierbajdžana i Ukrainy).
«Nichto nie čakaŭ, što reakcyja Rasii na jeŭrapiejskija pamknieńni jak minimum troch členaŭ Uschodniaha partniorstva (Hruzii, Małdovy i Ukrainy) budzie nastolki ahresiŭnaj i brutalnaj. Mienavita tamu hety praces (UP) staŭ składaniejšym, źjavilisia strachi, sumnieńni», — zajaviŭ Tusk.
Jon padkreśliŭ, što takaja reakcyja Rasii dała mahčymaść narodam krain Uschodniaha partniorstva paraŭnać «vielmi bačnuju roźnicu pamiž jeŭrapiejskaj i rasijskaj prapanovami».
«Kali my prapanujem niešta krainam, usio zasnavana na ich žadańni. My hatovyja zaprašać da supracoŭnictva, ale nichto ni na kaho nie ciśnie. Kali chočacie — možacie, kali chočacie ŭ inšy bok, naprykład, u Jeŭraziju, heta vaš vybar, — skazaŭ Tusk. — Ź inšaha boku vy čujecie: abo vy z nami, abo vy trup. Pa sutnaści, takaja situacyja siońnia na Danbasie, va Ukrainie».