Na razhlad kiraŭnika dziaržavy pradstaŭleny prajekt ukaza, jakim prapanujecca ŭnieści źmieny ŭ zakanadaŭstva ab adabrańni i pradastaŭleńni ziamielnych učastkaŭ.
«Majo staŭleńnie da ziemlaŭ, asabliva sielhaspryznačeńnia, dy i lasnoha fondu, vy viedajecie. Siońnia nijakich mierapryjemstvaŭ u płanie budaŭnictva i hetak dalej, źviazanych z advodam ziamiel, biez dazvołu prezidenta ŭ krainie nie robicca», — skazaŭ Łukašenka.
Jon nahadaŭ, što ŭ svoj čas u Biełarusi byli pradastaŭleny paŭnamoctvy hubiernataram rasparadžacca hetymi ziemlami, adnak zatym paradak byŭ źmienieny. «Čamu heta adbyłosia, ja kazaŭ. Takoha chaosu i biazładździa na ziamli, jak u toj pieryjad, u nas nie było! Pačali budavać na ŭradlivych ziemlach roznaha rodu składy, pradpryjemstvy, dy i žyllo», — adznačyŭ kiraŭnik dziaržavy.
«Ziemli sielhaspryznačeńnia — heta śviatoje. Mnohija pakaleńni ich stvarali, vysiakajučy drevy, zajmajučysia padsiečnym ziemlarobstvam, stvarajučy toje, što kormić narod, — padkreśliŭ jon. — Ziamielnyja resursy — heta najvialikšaja kaštoŭnaść dla luboj dziaržavy. Adsiul majo staŭleńnie da hetaha».
Alaksandr Łukašenka adznačyŭ, što pierš, čym padpisvać adpaviedny ŭkaz, chacieŭ by abmierkavać pytańnie racyjanalnaha vykarystańnia ziamielnych resursaŭ. «Heta naša bahaćcie. 90% terytoryi krainy — heta ziemli sielhaspryznačeńnia i lasy, jakija pavinny vykarystoŭvacca efiektyŭna», — skazaŭ jon.
Łukašenka pacikaviŭsia ŭ prysutnych, čym vyklikana nieabchodnaść karekciroŭki isnujučaha paradku, što novaha prapanujecca ŭ płanie ŭdaskanaleńnia vykarystańnia ziamielnych resursaŭ i jak heta pavysić efiektyŭnaść haspadarańnia ŭ hetaj śfiery.
«Pry hetym chaču zaŭvažyć: na ziamli pavinien być idealny paradak. Heta naš brend, heta naš tvar. Chto b u krainu ni pryjazdžaŭ, adznačaje našu harmoniju z pryrodaj, što my jaje nie spachabili, nie pierakrucili, što čałaviek u našaj krainie moža i adpačyvać, i žyć», - adznačyŭ Alaksandr Łukašenka.
«Čyścinia — heta i pavietra, i ziamielnyja resursy, les — heta zdaroŭje našaha čałavieka. Tamu ja nadaju takuju pilnuju ŭvahu ziemlam sielhaspryznačeńnia i lasnym resursam. I dalej maje patrabavańni buduć tolki ŭzmacniacca žorstkaść», — padkreśliŭ jon.
