Narviežac Aleks Linhas vielmi pieražyvaŭ, što jaho maci nijak nie moža znajści ŭ svaim žyćci kachanaha mužčynu, i vyrašyŭ dapamahčy. Dla hetaha Aleks źniaŭ kranalnaje videa, u jakim raskazvaje pra svaju maci. Nazva klipa Looking for Adam («Šukajecca Adam») abyhryvaje imia maci — Jeva.
Ź videarolika možna daviedacca, što Jevie 69 hadoŭ, jana naradziłasia ŭ Čechii, ale ciapier žyvie ŭ Narviehii. Za apošnija hady jana niekalki razoŭ chadziła na spatkańni, ale dalej sprava nie pajšła.
Jeva lubić tenis, płavańnie, johu, hornyja łyžy, mastactva, padarožžy. Jak sapraŭdnaja češka, jana nieabyjakavaja da dobraha piva. Jeva maje siastru i najlepšuju siabroŭku, taksama Jevu.
Za niekalki dzion videarolik pahladzieła ŭžo amal 6 miljonaŭ čałaviek. Aleks prapanavaŭ tym, kaho ź Jevaj złučajuć ahulnyja intaresy, dasyłać listy na skryniu [email protected], a lepš zdymać svajo videa ŭ adkaz. Taksama Aleks paabiacaŭ i dalej infarmavać pra los svajoj maci praz YouTube.
