Upraŭleńniem Śledčaha kamiteta pa Homielskaj vobłaści zavieršana rasśledavańnie kryminalnaj spravy ab zabojstvie 3-miesiačnaj dziaŭčynki, čyjo zabalzamavanaje cieła było vyjaŭlena 13 studzienia ŭ adnoj z kvater Homiela, paviedamlaje pres-słužba SK.
Śledčymi ŭstanoŭlena, što ŭ mai 2014 hoda, abvinavačanaja, hulajučy pa vulicy z dačkoj, sustrełasia ź bijałahičnym baćkam dziciaci, paśla čaho jany adpravilisia da jaho ŭ kvateru.
Raśpiŭšy śpirtnyja napoi, dobra viedajučy pra małaletni ŭzrost i biezdapamožny stan dziaŭčynki, baćki naŭmysna pakinuli jaje adnu ŭ kvatery, upeŭnienyja, što biez karmleńnia i dohladu dzicia pamre.
Zamknuŭšy za saboj ŭvachodnyja dźviery na zamok, abvinavačanyja ŭ kvatery bolš nie źjaŭlalisia.
Da momantu vyjaŭleńnia pravaachoŭnikami cieła dziaŭčynki, žančyna naradziła jašče adno dzicia.
Nie žadajučy vychoŭvać i kłapacicca ab novanarodžanym, abvinavačanyja ŭ studzieni 2015 pakinuli apošniaha ŭ adnym z padjezdaŭ žyłoha doma, uśviedamlajučy biezdapamožny stan chłopčyka, adnak pastavilisia da hetaha abyjakava.
Zhodna ź psichołaha-psichijatryčnaj ekśpiertyzaj abvinavačanyja znachodziacca ŭ stanie śviadomaści, jany zdolnyja ŭśviedamlać faktyčny charaktar, hramadskuju niebiaśpieku svaich dziejańniaŭ i kiravać imi, paviedamlaje pres-słužba SK.
Na asnovie sabranych dokazaŭ, baćkam dziciaci pradjaŭlena abvinavačvańnie pa č.2 art.139 (zabojstva zaviedama małaletniaha) i č.3 art.159 (pakidańnie ŭ niebiaśpiecy) Kryminalnaha kodeksa Respubliki Biełaruś.
Kryminalnaja sprava pieradadziena prakuroru dla nakiravańnia ŭ sud.
