Upraŭleńnie Śledčaha kamiteta pa Minskaj vobłaści zaviaršyła rasśledavańnie kryminalnaj spravy ŭ dačynieńni da niepracoŭnaha žychara Vałožynskaha rajona 1995 hoda naradžeńnia, jaki abvinavačvajecca ŭ zamachu na naŭmysnaje źniščeńnie majomaści AAT «Vałožynski lnokambinat». Złačynstva było ŭčynienaje 25 studzienia.
Pavodle źviestak aficyjnaha pradstaŭnika USK pa Minskaj vobłaści Taćciany Biełanoh, ustanoŭlena, što ŭ kancy śniežnia minułaha hoda mužčyna, znachodziačysia ŭ stanie ałkaholnaha apjanieńnia, hruba parušyŭ hramadski paradak i ŭčyniŭ chulihanskija dziejańni, što supravadžalisia nasillem u dačynieńni da hramadzianina. U kancy studzienia paddośledny byŭ zatrymany pa fakcie źniščeńnia majomaści Vałožynskaha lnokambinata. Śledstvam ustanoŭlena, što abvinavačany, były rabotnik pradpryjemstva, z-za niepryjaznych adnosinaŭ z kiraŭnictvam, pryčynaj dla jakich pasłužyła zvalnieńnie, u stanie ałkaholnaha apjanieńnia pranik na terytoryju abjekta, dzie hazavaj zapalnicaj padpaliŭ ilnotrastu. Pažaram było źniščana prykładna 1000 ton uradžaju. Uron skłaŭ 3,8 młrd rubloŭ.
Pavodle vynikaŭ rasśledavańnia dziejańni abvinavačanaha kvalifikavanyja jak złosnaje chulihanstva i zamach na naŭmysnaje źniščeńnie majomaści, učynienaje ahulnaniebiaśpiečnym sposabam, što paciahnuła naniasieńnie ŭronu ŭ asabliva bujnym pamiery. Miera strymańnia z momantu jaho zatrymańnia nie źmianiałasia — uziaćcie pad vartu.
Śledčy analiz pa ŭstanaŭleńni pryčyn i ŭmoŭ učynieńnia złačynstva pakazaŭ, što na pradpryjemstvie adsutničajuć vyraznaja sistema achovy i techničnyja srodki kantrolu terytoryi. Na adras kiraŭnictva lnokambinata nakiravanaja dakładnaja zapiska ab likvidacyi vyjaŭlenych padčas rasśledavańnia niedachopaŭ i pryniaćci mier pa palapšeńni techničnaj umacavanaści terytoryi abjekta, zabieśpiačeńni naležnaha kantrolu i zachavanaści majomaści.
Kryminalnaja sprava pieradadzienaja ŭ prakuraturu dla nakiravańnia ŭ sud.
