Šylda z bareljefam źjaviłasia na miescy bitvy pad Pałonkaj u Baranavickim rajonie. Tak było adznačanaje 355-hodździe adnoj z samych słaŭnych pieramoh u historyi Biełarusi.
Miemaryjalny kamień na miescy na miescy bitvy pad Pałonkaj staić z 1990-ch. Da jaho ciapier dadaŭsia novy, pryhožy, z hodnym bareljefam.
Bitva pad Pałonkaj adbyłasia 28 červienia 1660 hoda. U joj abjadnanyja siły Vialikaha Kniastva Litoŭskaha i Karaleŭstva Polskaha pieramahli vojski Maskoŭskaj dziaržavy.
Našymi vojskami kamandavali Pavieł Jan Sapieha i Stefan Čarniecki.
Na čale maskoŭskaha vojska stajaŭ kniaź Ivan Chavanski.
Bitvie papiaredničała amal paŭhadovaja abłoha Lachavickaha zamka.
3 Bresta praz Słonim siły Rečy Paspalitaj rušyli na dapamohu abaroncam Lachavičaŭ. Chavanski z bolšaj častkaj svajho vojska vystupiŭ im nasustrač. Vojski sustrelisia pad Pałonkaj.
Bitva skončyłasia poŭnym razhromam intervientaŭ i stała pierałomnym momantam u doŭhaj vajnie Rečy Paspalitaj suprać Šviecyi, kazakoŭ i Rasii.
