U Navapołacku miedyki vyśviatlajuć pryčynu zachvorvańnia dziasiatkaŭ vučniaŭ himnazii № 2. Pieršyja vypadki zafiksavali 3 vieraśnia, dziaciej vanitavała. A ŭžo ŭ piatnicu na zaniatki nie pryjšoŭ adrazu 71 vučań małodšych kłasaŭ. Paśla hetaha vyvučeńniem situacyi zaniaŭsia haradski centr hihijeny i epidemijałohii, infarmuje BIEŁTA.
Jak paviedamiŭ hałoŭny dziaržaŭny sanitarny lekar Viciebskaj vobłaści Uładzimir Sinkievič, miedyki vyśviatlajuć pachodžańnie mahčymaj infiekcyi siarod himnazistaŭ. Adznačajecca, što ź liku dziasiatkaŭ dziaciej pa dapamohu da miedykaŭ źviarnułasia tolki niaznačnaja častka. Nie vyklučana, što sprava nie ŭ atručvańni, a ŭ virusie, jaki moh «pryvieźci» z kanikuł chtości z vučniaŭ. Razhladajucca abiedźvie viersii, pravodziacca daśledavańni. Vyniki buduć viadomyja praz 2-3 dni.
