2 i 3 kastryčnika ŭ kaviarni Kamarova village syhrajuć bluz/bluz-rokavyja i fołkavyja hurty z «Kramaj» i «Pałacam» na čale.
Kancertny dzień 2 kastryčnika Oktoberfest u Kamarova adkryje Bluesville Station, jaki vystupić u pašyranym składzie: da duetu Jurasia Uskova (vakał, hitara) i Vitala Šyšparonka dałučacca siabry ź bluz-rokavaha hurta Cross B Band, adnaho z važniejšych prajektaŭ biełaruskaj bluzavaj sceny apošniaha 10-hodździa. Taksama ŭ jakaści druhoha hitarysta, da Station dałučycca lehiendarny Siarhiej Skrypničenka – lidar hurta Zygimont Vaza. Razam muzyki vykanajuć hadzinny set bluzavaj kłasiki – ad čykahskich standartaŭ da techaskaha bluza. Admysłovuju prahramu rychtujuć i «Pjanyja hości» – akustyčny prajekt Alaksandra Pamidorava i hitarysta Dzianisa Bałachonava. Jany buduć hrać jak svaje bluzavyja tvory, tak i kłasiku bluzu dy rok-n-rołu. Zavieršyć bluzavy dzień hadzinnym setam hurt «Krama». Ihar Varaškievič abiacaje zrabić uchił na chity hurta «pitnoj tematyki».
Folk-subotu 3 kastryčnika raspačnie prajekt Pita Paŭłava – Paparać, jaki redka vystupaje ŭ Minsku i vakolicach, ale aktyŭna kancertuje pa Biełarusi. U kapele Pita hraje niaźmienny bubnač N.R.M. Alezis Dziemidovič, viadomy biełaruski muzyka i historyk Jaraš Mališeŭski dy cymbalistka Alesia Šahun. Hurt «Rokaš» pradstavić na Oktoberfest svaju «kastryčnickuju» prahramu, kudy siarod inšaha ŭvojduć i premjery. Skončyć viečar vystup hurtu «Pałac» z najlepšymi pieśniami. Aleh Chamienka zaznačaje, što prahrama budzie zbudavanaja takim čynam, kab pad śpievy było zručniej hrukać kuflami – muzyki padbiaruć svaje samyja viasiołyja i pazityŭnyja pieśni.
Pryjazdžać u Kamarova (5 km. ad MKAD pa Słuckaj šašy) možna na ŭłasnym transparcie – schiema prajezda. Taksama dla hledačoŭ arhanizavanyja biaspłatnyja maršrutnyja taksi d/s Družnaja-Kamarova, Kamarova – d/s Družnaja z 16.00 da 0.00. Raskład ruchu možna pahladzieć u aficyjnych supołkach UKantakcie i Facebook
Kvitki možna nabyć praz Kvitki.by: papiaredni košt 200 000 rub. (z ulikam kamisii apieratara), na ŭvachodzie – 250 000 rub. Dastupnyja taksama abaniementy dla tych, chto choča naviedać adrazu try kancerty, zapłanavanyja da 10 kastryčnika – vychodzić tańniej. Infalinija: +375 29 676-81-95. Braniravańnie stolikaŭ na kancert – +375 44 538-89-88.
