Za złosnaje chulihanstva asudžany 33-hadovy niepracujučy žychar Baranavičaŭ.
Jak paviedamiŭ namieśnik načalnika adździeła prakuratury Bresckaj vobłaści Alaksandr Žaško, 1 žniŭnia prykładna ŭ 18.10 u Baranavičach na vulicy Fabryčnaj mužčyna ŭ stanie ałkaholnaha apjanieńnia išoŭ pa piešachodnaj darožcy aholenym, pierakinuŭšy svaju vopratku praz ruku.
Kali jon pačaŭ pierachodzić prajeznuju častku pa piešachodnym pierachodzie, jaho zatrymali supracoŭniki milicyi. Sa słoŭ zatrymanaha, u hety dzień jon sa svaimi znajomymi raśpivaŭ śpirtnoje i hulaŭ u karty. Toj, chto prajhraje, pavinien byŭ prajści hołym pa vulicy. I pakolki prajhraŭ jon, to źniaŭ ź siabie ŭsiu vopratku i pajšoŭ pa horadzie. Da taho momantu mužčyna vypiŭ 200-250 hramaŭ harełki.
1 kastryčnika sud Baranavickaha rajona i horada Baranavičy pryznaŭ mužčynu vinavatym pa č. 2 art. 339 Kryminalnaha kodeksa i prysudziŭ da troch hadoŭ pazbaŭleńnia voli ŭ kałonii strohaha režymu.
Mužčyna pryznaŭ svaju vinu i raskajaŭsia. Raniej jon siem razoŭ sudzimy. Prysud jašče nie ŭstupiŭ u zakonnuju siłu i moža być abskardžany.
