U Minsku ŭ mastackaj halerei «Univiersitet kultury» prachodzić vystava vyšyvanych karcin kłuba «Suzorje» hramadskaha abjadnańnia «Biełaruski sajuz žančyn». Jana pryśviečanaja Dniu maci.
U ekspazicyi pradstaŭlena bolš za sto rabot, vykananych u roznaj technicy ručnoha haftu: padlikovy kryž, paŭkryž, habielenavy šyvok, ručnaja i mašynnaja hładź.
Kiraŭnik kłuba Natalla Sak zaznačyła: «Vystavu hetu ŭ poŭnaj miery možna nazvać čaroŭnaj, bo niezdarma kažuć, što vyšyvalščycy bačać śviet praz vuška ihołki, i dla ich usio zvyčajnaje pieratvarajecca ŭ čaroŭny śviet! Śviet hety stvorany na kavałačkach tkaniny pry dapamozie maleńkaj ihołački i roznakalarovych nitačak! Ale jak šmat kvietak i adcieńniaŭ, jak šmat dziŭnych i niezvyčajnych siužetaŭ možna tut ubačyć! Kožnaja rabota — heta maleńki šedeŭr, stvorany ź ciepłynioj, luboŭju i žadańniem zrabić naša žyćcio bolš dziŭnym i pryhožym!»
