Ministerstva abarony RF raspracavała i płanuje vydavać u 2016 hodzie miedali za ŭdzieł u vajnie ŭ Siryi i za ŭdzieł u paradzie 9 Maja ŭ Maskvie, śviedčyć dziaržaŭny sajt zakupki.gov.ru.
Zahad ab stvareńni miedala «Udzielniku vajennaj apieracyi ŭ Siryi» byŭ vydadzieny 30 listapada. Na miedali — mapa Siryi i vyjavy rasiejskich samalotaŭ i bajavoha karabla. Stužka składzienaja z koleraŭ Minabarony RF i ściaha Siryjskaj Arabskaj Respubliki.
Takim čynam, kolkaść vydadzienych miedaloŭ potym dazvolić historykam padličyć prykładnuju kolkaść udzielnikaŭ rasiejskaj apieracyi na Bližnim Uschodzie.
Taksama źjaviŭsia miedal «Za ŭdzieł u vajskovym paradzie ŭ Dzień Pieramohi» u 2015 hodzie. Raniej padobny, ale trochi inšy pa dyzajnie miedal vydavali za parad 2010 hoda.
Vialikaja kolkaść miedaloŭ, jakija vydajucca biez realnych zasłuh, viaduć da devalvacyi uznaharodnaj sistemy dziaržavy. Takaja pahroza staić i pierad Biełaruśsiu.
