Francuzskaja palicyja vadamiotami vyzvaliła zachopleny mihrantami parom u Anhliju, paviedamlajuć infarmacyjnyja ahienctvy.
Mihranty padčas akcyi ŭ Kale, fota London News Pictures
Napiaredadni mihranty praviali maštabnuju akcyju ŭ francuzskim porcie Kale, vystupiŭšy suprać płanaŭ miascovych uładaŭ pieranieści łahiery biežancaŭ. Akcyja sabrała kala dźviuch tysiač čałaviek, jakija patrabavali palepšyć umovy ŭtrymańnia ŭ dziejučym užo niekalki hadoŭ łahiery dla mihrantaŭ.
Paśla hetaha hrupa ź niekalkich dziesiatkaŭ mihrantaŭ pry padtrymcy natoŭpu, jaki zastavaŭsia na bierazie, zachapiła brytanskaje sudna. Praź biesparadki praca porta była spynienaja na niekatory čas. Pravaachoŭniki zadziejničali vadamioty, kab vyzvalić parom. Napadu na sudna papiaredničali pastajannyja sutyčki mihrantaŭ ź miascovymi žycharami na haradskich vulicach.
Mihranty vykarystoŭvajuć francuzski horad Kale ŭ jakaści pieravałačnaj bazy. Adsiul jany sprabujuć patrapić u Vialikabrytaniju, raźličvajučy atrymać bolš kamfortnyja ŭmovy žyćcia.
