Dvoje vajskoŭcaŭ adnoj z vajskovych čaściej Bresckaha harnizona paśla atrymańnia spahnańniaŭ za dapuščanyja imi parušeńni vajskovaj dyscypliny samavolna pakinuli vajskovuju častku i ŭ dalejšym byli zatrymanyja, paviedamlaje pres-słužba Ministerstva abarony.
Pa hetym fakcie kamandziram vajskovaj častki nieadkładna była pryznačanaja pravierka, jakaja pravodziłasia z 4 lutaha 2016 hoda.
Pa vynikach pravierki zaviedziena kryminalnaja sprava pa artykule 443 «Parušeńnie statutnych pravił uzajemaadnosin pamiž vajskoŭcami» u dačynieńni da ich kalehi, taksama jaki prachodzić terminovuju vajskovuju słužbu i jaki dapuściŭ supraćpraŭnyja dziejańni.
«Bieskampramisny padychod da pravaparušalnikaŭ i niaŭchilnaść pakarańnia niepasrednych vinavatych supraćpraŭnych dziejańniaŭ — važniejšy pryncyp ŭmacavańnia i padtrymańnia pravaparadku ŭ biełaruskim vojsku», — adznačyli ŭ pres-słužbie.
