12 lutaha Kijeŭski rajonny sud akupavanaha Simfieropala aryštavaŭ čatyroch zatrymanych u Krymie musulman da 8 krasavika.
Pra heta paviedamlaje vydańnie «15 chvilin».
FSB i prakuratura abvinavačvaje hetych ludziej u terarystyčnaj dziejnaści. Im usim inkryminujecca č. 2 art. 205.5 KK RF «Arhanizacyja dziejnaści terarystyčnaj arhanizacyi i ŭdzieł u dziejnaści takoj arhanizacyi».
U vyniku sudovych rašeńniaŭ zatrymanyja raniej Envier Biekir, Emir-Usiein Kuku, Vadzim Sieruk i Muślim Alijeŭ aryštavanyja da 8 krasavika 2016 hoda.
Sud vyrašyŭ, što zatrymanyja pavinny być pad vartaj, tamu što mohuć akazvać cisk na śviedkaŭ, albo ža schavacca ad śledstva.
Pa anałahičnych abvinavačańniach 23 studzienia 2015 h. byŭ zatrymany Rusłan Ziejtułajeŭ, Nury Prymiem i Rustem Vait, a 2 krasavika 2015 - Fierat Sajfułajeŭ. Na dadzieny momant usie čaćviora znachodziacca ŭ SIZA.
Jak paviedamlałasia, u Krymie 12 lutaha praciahvalisia pieratrusy ŭ damach krymskich tataraŭ.
Advakat Emil Kurbiedzinaŭ adznačaŭ, što takija masavyja pieratrusy, jakija prachodziać u damach krymskich tataraŭ druhi dzień zapar, možna rascanić jak «represii i miery zapałochvańnia».
Ministerstva zamiežnych spraŭ Ukraina 12 lutaha vykazała pratest suprać masavych pieratrusaŭ u damach krymskich tataraŭ u Krymie i zaklikaŭ uzmacnić cisk na Rasieju.
