Pra heta paviedamili ŭ adździaleńni ahitacyi i prapahandy ŭpraŭleńnia DAI UUS Viciebskaha abłvykankama.
DTZ adbyłosia 27 sakavika kala 23.20. Žycharka abłasnoha centra 1987 hoda naradžeńnia, nie majučy prava kiravańnia i znachodziačysia za rulom aŭtamabila «Dačyja Sandera», jechała pa vuł. Lenina ŭ bok płoščy Svabody i ŭ rajonie doma 48 ździejśniła najezd na pryparkavany kala kraju prajeznaj častki aŭtamabil «Falksvahien Pasat». Paśla sutyknieńnia «Dačyja Sandera» vyjechała za miežy prajeznaj častki i ŭrezałasia ŭ dom.
U vyniku DTZ kiroŭca na miescy avaryi zahinuła, jaje cieła z mašyny dastali rabotniki MNS. Jany ž debłakavali paciarpiełaha 38-hadovaha pasažyra inšamarki, jaki špitalizavany ŭ balnicu. Abstaviny i pryčyny avaryi vyśviatlajucca.
Pa dadzienym fakcie viadziecca raźbiralnictva. Vidavočcaŭ i śviedak DTZ prosiać patelefanavać u dziažurnuju častku UDAI UUS pa telefonach: 58-44-44, 721-44-44 (MTS), 621-44-44 (Velcom).
