Navukoŭcy z Oksfardskaha univiersiteta padrychtavali dakład pad nazvaj «Ryzyki hłabalnych katastrof» ź pieralikam asnoŭnych pahroz, jakija ŭ bližejšy čas mohuć źniščyć jak minimum 10% nasielnictva Ziamli.
Reuters
Zhodna z dakładam, najbolšaja pahroza ŭ bližejšyja 5 hadoŭ zychodzić ad «nieviadomych ryzyk», da jakich ekśpierty adnieśli, naprykład, padzieńnie na Ziamlu asteroida abo vyviaržeńnie supiervułkana, jakija naŭprost nie zaležać ad čałavieka, pieradaje Lenta.ru sa spasyłkaj na The Telegraph.
U doŭhaterminovaj pierśpiektyvie nasielnictvu płaniety mohuć pahražać pandemii, jadziernaja vajna, katastrafičnyja źmieny klimatu, a taksama raźvićcio štučnaha intelektu i robataŭ. Hetyja pahrozy naŭprost źviazanyja z čałaviekam.
U dakładzie adznačajecca, što mahčymaści sučasnych terarystyčnych arhanizacyj, u pryvatnaści «Isłamskaj dziaržavy», dazvalajuć stvarać pry dapamozie sintetyčnaj bijałohii niebiaśpiečnyja dla metavaj hrupy ludziej štamy virusaŭ. Raźvićcio kampjutarnych technałohij, u svaju čarhu, moža pryvieści da ŭźniknieńnia aŭtanomnych hrup štučnaha intelektu, jaki nie maje patraby ŭ čałavieku i razhladaje apošniaha jak svajho kankurenta.
Na dumku navukoŭcaŭ, u ciapierašni čas urady bolšaści krain nie ŭ stanie naležnym čynam padrychtavacca da patencyjnych pahroz. «Niama nijakich padstaŭ dumać, što ludzi źjaŭlajucca viaršyniaj stvareńnia i samym lepšym, što jość u śviecie», — adznačyŭ suaŭtar daśledavańnia Siebaśćian Farkvchar.
