Na 54-m hodzie žyćcia ŭ Maskvie pamior viadomy biełaruski chakieist, vychavaniec mienskaj škoły «Junactva» Juryj Šypicyn, infarmuje sajt CHK «Junactva-Minsk».
ria.ru
U składzie kamandy SDIUŠAR «Junactva» Juryj Šypicyn stanaviŭsia bronzavym pryzioram moładzievaha čempijanatu SSSR. Dziakujučy razumnaj i techničnaj hulni małady minski forvard zaprašaŭsia ŭ junijorskuju i moładzievuju zbornyja Savieckaha Sajuza. U 1979 hodzie Šypicyn byŭ bronzavym pryzioram junijorskaha čempijanatu Jeŭropy, hodam paźniej — čempijonam kantynienta, ŭ 1981-m bronzavym pryzioram moładzievaha čempijanatu śvietu.
Kłubnaja karjera Juryja Šypicyna na najvyšejšym uzroŭni startavała ŭ siezonie-1979/1980, u jakim, jak i ŭ čatyroch nastupnych, jon abaraniaŭ kolery minskaha «Dynama». Paźniej Juryj hulaŭ za ryžskaje «Dynama», maskoŭski «Spartak» i omski «Avanhard», a taksama ŭ kłubach Hiermanii i Šviejcaryi. Vystupajučy za maskoŭskich spartakaŭcaŭ, Juryj Šypicyn u 1991 hodzie staŭ srebnym pryzioram apošniaha čempijanatu SSSR.
